რუსეთის მიერ ოკუპირებული ცხინვალის რეგიონის ე.წ. უშიშროების კომიტეტის (КГБ)-ს განცხადებით, მათი კუთვნილი კვადროკოპტერი - უპილოტო საფრენი აპარატი, 1 სექტემბერს, დილით, რეგიონში ჰუმანიტარულ ოერაციას ასრულებდა, რომლის მიზანიც წნელისის მაცხოვრებლების უსაფრთხოების დაცვა იყო, როდესაც დაახლოებით 10 საათისთვის, დასახლებული პუნქტ კობიდან მისი მიმართულებით ცეცხლი გახსნეს და ჩამოაგდეს.

დრონი გამყოფი ხაზის მიდამოებში ჩამოვარდა.

საოკუპაციო რეჟიმის უშიშროების კომიტეტი აცხადებს, რომ მათ მომხდარის შესახებ ევროკავშირის დამკვირვებელთა მისიას აცნობეს.

უწყება მომხდარს პროვოკაციად აცხადებს და ქართულ მხარეს კონფლიქტოის ესკალაციაში ადანაშაულებს.