ცხინვალის საოკუპაციო რეჟიმის დე ფაქტო საგარეო საქმეთა სამინისტრო საქართველოს ცენტრალურ ხელისუფლებას პროვოკაციულ ქმედებებში ადანაშაულებს. აღნიშნული განცხადება დე ფაქტო უწყებამ ჩორჩანა-წნელისის ტერიტორიაზე განვითარებულ მოვლენებთან დაკავშირებით გაავრცელა. საოკუპაციო რეჟიმის თქმით, მათთვის მიუღებელია შექნილ ვითარებასთან დაკავშირებით ჟენევის დისკუსიების თანათავმჯდომარეების განცხადებები:

„ამ სიტუაციაში იძულებულები ვართ აღვნიშნოთ თბილისის მორიგი მცდელობა შეამოწმოს სამხრეთ ოსეთის სახელმწიფო საზღვრის სიმყარე და ქართულ-ოსური დაპირისპირების განახლების პირობების შექმნაზე უარის არ თქმის და ამასთან ახალი შეირაღებული კონფლიქტის პროვოცირების სურვილი, რომელიც მთლიანად ანადგურებს რეგიონალური სტაბილურობისა და უსაფრთხოების არსებულ კონსტრუქციას.

სამხრეთ ოსეთისთვის აბსოლუტურად მიუღებელია შექმნილ საგანგაშო მდგომარეობასთან დაკავშირებით ჟენევის დისკუსიების თანათავმჯდომარეების, გაეროს, ევროკავშირისა და ეუთო-ს სრულიად გაუგებარი პოზიცია. ჩვენ კვლავ მივმართავთ ამ ავტორიტეტულ საერთაშორისო ორგანიზაციას მოთხოვნით, რომ მთელი ძალისხმება გამოიყენონ იმისთვის, რათა სამხრეთ ოსეთთან მიმართებაში საქათველოს ეს პროვოკაცია დაუყოვნებლივ შეწყდეს, ქართულ მხარეს კი მოუწოდონ ქმედებებისკემ, რომელიც შესაძლებელს გახდის მზარდი კრიზისიდან კონსტრუქციული გამოსვლის.“- აღნიშნულია დე ფაქტო უწყების განცხადებაში.