"მნიშვნელოვანია გვახსოვდეს, რომ ხალხის მიერ არჩეული სხვა პარტიის წევრები ჩვენი კოლეგები არიან და არა მტრები"- ნორლენი არჩილ თალაკვაძეს

პოლიტიკა - 12:29, 29 Aug, 2019

1078

შვედეთის სამეფოს პარლამენტის თავმჯდომარე ანდრეას ნორლენი ქართულ პოლიტიკაში პოლარიზაციას ხედავს, რის გამოც ის შეშფოთებას გამოთქვამს. ნორლენმა საქართველოს პარლამენტის თავმჯდომარესთან არჩილ თალაკვაძესთან შეხვედრის შემდეგ გამართულ ერთობლივ ბრიფინგზე "საარჩევნო კოდექსში" მიმდინარე ცვლილებების აუცილებლობაზე ისაუბრა და ხაზგასმით აღნიშნა, რომ - "მნიშვნელოვანია, გვახსოვდეს, ხალხის მიერ არჩეული სხვა პარტიის წევრები არიან ჩვენი კოლეგები და არა მტრები".

ანდრეას ნორლანიმ იმედი გამოთქვა, რომ მისი ქართველი კოლეგა არჩილ თლაკვაძე პოლარიზაციის შემცირების მომხრეა.

„ერთიანობის შენარჩუნება განსაკუთრებით მნიშვნელოვანია, როდესაც არსებობს გარე საფრთხე. ჩვენ მივესალმებით „საარჩევნო კოდექსში“ ცვლილებებს. ვფიქრობ, ეს არის კარგი შესაძლებლობა, სხვადასხვა მხარეებს შორის დიალოგი შედგეს, მათ შორის პოლიტიკოსებს, სამოქალაქო სექტორსა და სხვა მხარეებს შორის. მჯერა, ჩემს კოლეგას აქვს ამის ამბიციაც.

მნიშვნელოვანია, გვახსოვდეს, რომ ხალხის მიერ არჩეული სხვა პარტიის წევრები ჩვენი კოლეგები არიან და არა მტრები, ჩვენ უნდა ვიმუშაოთ და გვქონდეს დიალოგი. ეს გააძლიერებს საქართველოს ყველა პრობლემების გათვალისწინებით“, - განაცხადა შვედეთის პარლამენტის თავმჯდომარემ თალაკვაძესთან გამართულ ერთობლივ ბრიფინგზე.