20-21 ივნისის საქმის პროკურორებმა წინასასამართლო სხდომის შემდეგ სასამართლოს შენობა მანდატურების დახმარებით სასამართლოს სათადარიგო კარით დატოვეს.

სხვა შემთხვევებში, პროკურორები ცენტრალური კარიდან სარგებლობენ, სადაც ამ წუთებში დაკავებულების მხარდამჭერები იყვნენ შეკრებილი.

თბილისის საქალაქო სასამართლოსთან, სადაც 20-21 ივნისის მოვლენებთან დაკავშირებით დაკავებული შვიდი პირის აღკვეთის ღონისძიების შეცვლის საკითხს განიხილავდნენ, აქცია გაიმართა. რუსთაველის გამზირზე მიმდინარე აქციების „სირცხვილიას“ ორგანიზატორები და მონაწილეები დაკავებული პირების გათავისუფლებას და სამართლიან სასამართლოს მოითხოვდნენ.