მთავრობამ ბრიტანეთს მამუკა ხაზარაძისა და ბადრი ჯაფარიძის ანგარიშების დაყადაღება მოსთხოვა

პოლიტიკა - 14:36, 27 Aug, 2019

1367

მთავრობამ ბრიტანეთს "თიბისი ბანკის" დამფუძნებლების მამუკა ხაზატრაძისა და ბადრი ჯაფარიძის ანგარიშების დაყადაღება მოსთხოვა. ამის შესახებ ბადრი ჯაფარიძემ ჟურნალისტებთან, ცოტა ხნის წინ გამართულ პრესკონფერენციაზე განაცხადა.

ჯაფარიძის განმარტებით, ფინანსური მონიტორინგის სამსახურმა, ანტიტერორისტული თანამშრომლობის ფარგლებში, ბრიტანეთის შესაბამის სამსახურს წერილით მიმართა, სადაც ის და ხაზარაძე ეჭვმიტანილია ფულის გათეთრებაში და მათი ფულადი აქტივები რომელიც შეიძლება იყოს დიდ ბრიტანეთში, შესაძლოა იყოს კრიმინალური წარმოშობის.

„ჩვენს წინააღმდეგ ყოველდღიურად ახალი რეპრესიული ღონისძიებები ტარდება, ამჯერად ახალი სიტყვა არის ფინანსური მონიტორინგის სამსახურის მიერ, რომელმაც მიმართა წერილით ბრიტანეთის შესაბამის სამსახურს ანტიტერორისტული თანამშრომლობის ფარგლებში, რომ თურმე მე და მამუკა ხაზარაძე ვართ ეჭვმიტანილი ფულის გათეთრებაში და ჩვენი ფულადის სახსრები, რომელიც შეიძლება იყოს დიდ ბრიტანეთში, ეჭვი აქვს რომ არის კრიმინალური წარმოშობის. როცა სახელმწიფო ანტიტერორისტული ტანამშრომლლობის ფარგლებში მიმართავს, ბრიტანელი კოლეგები ამას იღებენ სერიოზულად და ვერ წარმოიდგენენ, რომ ამ შემთხვევაში ეს უწყება არის პოლიტიკური დევნის ინსტრუმენტი. სახელმწიფო უწყებების ეს მცდელობა, რომლებიც ასრულებენ პოლიტიკურ დაკვეთას ემსახურება ერთ მიზანს, რომ ჩვენი კანონიერი სახსრების ბლოკირება მოხდეს ბრიტანეთში , ამისთვის გამზადებული იქნა ყადაღის გადაწყვეტილება სასამართლოების მიერ დამტკიცებული, სასამართლოს სამწუხაროს იმის ნაცვლად რომ გადაემოწმებინა პროკურატურის მოთხოვნა, რომ არის თუ არა საფუძველი, რომ ფულადი სახსრები არის უკანონო, პირდაპირ ავტომატურად დაადასტურა ყადაღის მოთხოვნა. ჩვენ დიდი სიამოვნებით ვითანამშრომლებთ ბრიტანეთის სამსახურებთან, მზად ვართ ჩვენი თითოეული ფუუნტის კანონიერება დავადასტუროთ.