მამუკა ხაზარაძე ბიძინა ივანიშვილს დებატებში იწვევს და აცხადებს, რომ საბოლოოდ ნათელი უნდა მოეფინოს ანაკლიის პროექტის საკითხს, რომელთან დაკავშირებითაც საზოგადოებაში ბევრი შეკითხვა დაგროვდა. ხაზარაძის თქმით, ის არ აპირებს ხელისუფლებასთან ურთიერთობები კულისებში მოლაპარაკებებით, დაალაგოს.

„ძალიან ბევრი კითხვა დაგროვდა ანაკლიასთან დაკავშირებით საზოგადოებაში, მე ნებისმიერ ჩემ ნაბიჯზე და ჩემი გუნდის ნაბიჯზე ვარ პასუხისმგებელი, ბიძინა ივანიშვილს ვთავაზობ მობრძანდეს ტელევიზიაში, შეგვიძლია ეს იყოს იმედი მაგალითად და ვისაუბროთ ღიად, რა წინაპირობა ქონდა, რა მოლაპარაკებები იყო, რა საუბრები იყო რომელიც საზოგადოებამ არ იცის. ერთხელ და სამუდამოდ ეს ქვეყანა დაადგეს გამჭვრივალოვის გზას, პირდაპირი ურთიერთობის გზას, ჩავაბაროთ ანგარიში ადამიანებს. მე ერთი წლის წინათაც განვაცხადე, რომ არანაირი კულისებში მოლაპარაკება. მე მინდა ყველას მივმართო, ბევრი ადამიანი მხვდება „მამუკა, ვერ დაალაგეთ?“. ძმებო არ გამოვა, „დალაგებები“ ამ ქვეყანაში უნდა დასრულდეს. ყველაფერი რაც დალაგდება იქნება ჩვენი საზოგადოების, ჩვენი მოქალაქეების თვალწინ, რომელსაც ეს ქვეყანა უყვარს და ამ ქვეყნის აშენება უნდა.“- განაცხადა მამუკა ხაზარაძემ.