"კონტრაქტი დაიდება და რუსთავი 2-ის ჟურნალისტები სარედაქციო დამოუკიდებლობას დაიცავენ"- ირაკლი იმნაიშვილი

პოლიტიკა - 20:34, 26 Aug, 2019

1836

"რუსთავი 2"- საინფორმაციო სამსახურის ხელმძღვანელი ირაკლი იმნაიშვილი ამბობს, რომ “ჟურნალისტების ნაწილი, რომლებიც წავიდნენ, მათ სურთ დაბრუნება და უბრალოდ ემოციური ზეწოლის გამო დგანან არჩევანის წინაშე გააკეთონ ემოციური გადაწყვეტილება წნეხის გამო თუ მიიღონ პროფესიული გადაწყვეტილება".
“მე გამიმართლა, რომ 14 წლის განმავლობაში, დღესაც ვმუშაობ მსოფლიოში ყველაზე ავტორიტეტულ და გავლენიან მედიასაშუალებაზე მემუშავა (BBC) და ამ 14 წლის მანძილზე, ყოველთვის მინდოდა საქართველოში ჩამომეტანა როგორც ჟურნალისტური სტანდარტი, ასევე სარედაქციო დამოუკიდებლობა, რომელიც დასავლურ მედიაში არსებობს. ამ მხრივ ახლა საეტაპო პროცესი იწყება. ჩვენ მოლაპარაკების ფინალურ სტადიაზე ვართ ამ მომენტისთვის არხის მფლობელებთან. თუ ეს მოლაპარაკება დასრულდება წარმატებით, მთავარი ამოცანა არის, რომ შეიქმნას სარედაქციო ჩარჩო, გაწერილი რეგლამენტი, რომელსაც ექნება იურიდიული ძალა – კონტრაქტი მფლობელებსა და საინფორმაციო სამსახურს შორის და ეს კონტრაქტი აქ მომუშავე ჟურნალისტებს მისცემს საშუალებას დაიცვან თავისი თავი და დაიცვან სარედაქციო დამოუკიდებლობა... მე 14 წლის წინ მომიწია საქართველოს დატოვება. მძიმეა ჟურნალისტისთვის წავიდეს იმ ტელეკომპანიიდან, რომელიც მისთვის მხოლოდ სამსახური არ არის და ეს არის ოჯახი. ეს არის მნიშვნელოვანი შემადგენილი ნაწილი”, - განაცხადა ირაკლი იმნაიშვილმა.