ე.წ საპრეზიდენტო არჩევნები ოკუპირებულ აფხაზეთში - მეორე ტურში ხაჯიმბა და აფხაზეთის ომის მონაწილე ოლეგ არშბა გავიდნენ

პოლიტიკა - 11:05, 26 Aug, 2019

1223

რუსეთის მიერ ოკუპირებულ აფხაზეთში საოკუპაციო რეჟიმმა ე.წ საპრეზიდენტო არჩევნები ჩაატარა, რომელშიც აქტიურობამ 56% შეადგინა. ე.წ არჩევნების შედეგების მიხედვით ხმათა 26.76% ე.წ მოქმედმა პრეზიდენტმა რაულ ხაჯიმბამ მიიღო. მეორე ადგილზე 25.08%-ით გავიდა ოლეგ არშბა, მესამეზე კი პარტია „ამცახარას“ თავმჯდომარე ალხას კვიცინია 24.28%. წინასწარი მონაცემებით, მეორე ტურში ხაჯიმბა და არშბა გადიან.

ოლეგ არშბა 1992-1993 წლებში აფხაზეთის ომში მონაწილეობდა და როგორც მის ბიოგრაფიაშია ნათქვამი ის საქართველოს ხელისუფლების წინააღდმდეგ თითქმის ყველა ბრძოლაში მონაწილეობდა. 2006 წელს კი დაინიშნა აფხაზეთის დე ფაქტო რესპუბლიკის შეიარასღებული ძალების გენერალური შტაბის სადაზვერვო სამმართველოს უფროსად.

2011 წელს დიანიშნა აფხაზეთის დე ფაქტო რესპუბლიკის გენშტაბის უფროსის მოადგილედ.

როგორც მის ბიოგრაფიაშია ნათქვამი, „სწორედ მისი ხელმძღვანელობით კონტრდაზვერვითი და სადაზვერვო ე.წ უწყებების მიერ ჩატარებული სპეციალური ღონისძიებების შედეგად მოხდა ქართული დაჯგუფებებისა და სპეცდანიშნულების რაზმების დანაყოფების ადგილების დადგენა და განადგურება ტყვარჩელში, ოჩამჩირეში და გალში.“