9 საათიან კურიერს თავდაცვის სამინისტროს პრესსამსახურის უფროსი ნინო თოლორდავა წაიყვანს?

პოლიტიკა - 15:30, 25 Aug, 2019

11380

მას შემდეგ, რაც რუსთავი 2 კურიერის ჟურნალისტებმა დატოვეს, ივანიშვილის გარემოცვა ჟრუნალისტებს და წამყვანებს ეძებს. ამ დრომდე ძიება უშედეგოდ გრძელდება, არხზე არ გადის საინფორმაციო გამოშვება.

ცნობილი გახდა, რომ დღის კურიერის წამყვანად რუსთავის 2-ის სხვა შუადღის ერთ-ერთი წამყვანი გვანცა დარასელია მოიაზრება. კიდევ ერთი ჟურნალისტი, რომელიც გავრცელებული ინფორმაციით შესაძლოა 9-საათიანი კურიერის წამყვანი გხდეს, მაესტროს ყოფილი წამყვანი და ამჟამად თავდაცვის სამინისტროს პრესსამსახურის უფროსი ნინო თოლორდავაა.

რუსთავის 2-ის 9 საათიანი საინფორმაციო გამოშვების წამყვანის პოზიციაზე შემოთავაზებას უარყოფს ნინო თოლორდავა. როგორც მან ნიუპოსტს განუცხადა, რამდენიმე დღეა რაც დატოვა ტავდაცვის უწყების პრესამსახური, ტვ იმედში გადავიდა და სექტემბრიდან 5 საათიან ქრონიკას წაიყვანს.

შეგახსენებთ, რომ მას შემდეგ, რაც ტელეკომპანიის გენერალურმა დირექტორმა, პაატა სალიამ არხიდან ნოდარ მელაძე, ეკა კვესიტაძე, გიორგი გაბუნია, ნანუკა ჟორჟოლიანი და გიორგი ლაფერაშვილი გაუშვა, ეთერში "კურიერის" ბოლო გამოშვება გავიდა. ტელეკომპანია პირდაპირ ეთერში წამყვანებმა, დიანა ჯოჯუამ და მიშა სესიაშვილმა დატოვეს. ამასთან რამდენიმე დღეში არხი "კურიერის" სრულმა შემადგენლობამ დატოვა.