"მინდა მივმართო „ოცნების“ იმ ახალგაზრდა წევრებს, რომლებმაც განათლება უცხოეთში მიიღეს, ასეთი სახელმწიფო ნახეთ თქვენ იმ ქვეყნებში? ასეთი მართლმსაჯულება მოგწონთ?"

"მინდა მივმართო „ოცნების“ იმ ახალგაზრდა წევრებს, რომლებმაც განათლება უცხოეთში მიიღეს, ასეთი სახელმწიფო ნახეთ თქვენ იმ ქვეყნებში? ასეთი მართლმსაჯულება მოგწონთ?" - ხაზარაძე

პოლიტიკა - 20:44, 22 Aug, 2019

1456

პროკურატურიდან გამოსულმა მამუკა ხაზარაძემ, სადაც ის დაზუსტებული ბრალის გასაცნობად იყო მისული, ტელევიზიის საშუალებით „ქართული ოცნების“ ახალგაზრდა წევრებს მიმართა კითხვით, მოსწონთ თუ არა ის დემოკრატია და მართლმსაჯულება, რაც მათი ხელისუფლებაში ყოფნის დროს ქვეყანაში დამყარდა:

„მე მინდა მივმართო „ქართული ოცნების“ იმ ახალგაზრდა წევრებს, რომლებმაც განათლება უცხოეთში მიიღეს, დახარჯეს ოთხი ან მეტი წელი დემოკრატიისა და მართლმსაჯულების სწავლაში და ჰქონდათ სურვილი, რომ თავიანთ ქვეყანაში მსგავსი სიტუაცია შეექმნათ. ჩვენ მაშინ ამ ხალხს მხარი დავუჭირეთ იმიტომ, რომ გვეგონა, ეს ამ პარტიის ის ნაწილია, რომელიც ამ ქვეყანას უკეთესობისკენ წაიყვანდა. მე მინდა მათ ვკითხო, ეს არის ის განათლება? ასეთი სახელმწიფო ნახეთ თქვენ იმ ქვეყნებში და ამ ცოდნით დაბრუნდით, გაჩუმებულები რომ ხართ? ასეთი მართლმსაჯულება მოგწონთ, რაც დღეს ხდება?“- განაცხადა მამუკა ხაზარაძემ.