საერთაშორისო სავაჭრო პალატის ეროვნული კომიტეტის თავმჯდომარე ფადი ასლი ხაზარაძე-ჯაფარიძის ანგარიშების დაყადაღებას პოლიტიკური მიზეზებით ხსნის და აცხადებს, რომ ამ ქმედებით ივანიშვილი ებრძვის როგორც ანაკლიის პორტის პროექტს, ასევე ხაზარაძე-ჯაფარიძის პოლიტიკაში შემოსვლას. ფადი ასლის თქმით, ივანიშვილი 2020-ის არჩევნების მოსაგებად ყველა ღონეს იხმარს და არ მოერიდება არც პოლიტიკური ოპონენტების მოკვლას:

„რა თქმა უნდა ოპოზიციის ეს ქმედება უკავშირდება ერთის მხრივ ანაკლიის პორტს მეორეს მხრივ კი ხაზარაძე-ჯაფარიძის სურვილს მოვიდნენ პოლიტიკაში. თუკი ხაზარაძე პოლიტიკაში მოვიდა მას ექნება შესაძლებლობა აიღოს ამომრჩეველთა ხმების დიდი ნაწილი და შესაბამისად იქნება ერთ-ერთი მთავარი აქტორი ხელისუფლების დაკომპლექტებაში 2020წელს. შესაძლებელია რომ ივანიშვილმა ისინი დააკავოს კიდეც, მხოლოდ იმიტომ რომ ქონდეს გარანტია, ხაზარაძე არ მოვიდეს პოლიტიკაში. მეორეს მხრივ ეს დაკავშირებულია ანაკლიასთან, რუსებს არ სურთ პორტის მშენებლობა. ბიძინა ივანიშვილი კი არის რუსების მიერ დასმული მძევალი, უდავოა, რომ ის დირექტივებს რუსეთისგან იღებს. არცერთი ქართველი რომელსაც თავისი ქვეყანა უყვარს არ იზამდა იმას რასაც ივანიშვილი თავის ქვეყანას უკეთებს. ივანიშვილი ახლა პანიკაშია და ის გააკეთებს ყველაფერს რომ არ წააგოს 2020-ის არჩევნები, რადგან ეს პირდაპირ ნიშნავს მის დაპატიმრებას. ის ყველაფერს გაუკეთებს საკუთარ პოლიტიკურ ოპონენტს, მათ შორის მოკლავს კიდეც მხოლოდ იმიტომ რომ არ წააგოს მომავალი არჩევნები.“- განაცხადა ფადი ასლიმ.