მამუკა ბახტაძე და არჩილს თალაკვაძე გუგუტიანთკარში ღამით, ჟურნალისტების გარეშე ჩავიდნენ.

სოფელ გუგუტიანთკარში მცხოვრებმა, გოჩა მარღიშვილმა ბახტაძეს ტელევიზიის საშუალებით რამდენიმე დღის წინ მიმართა და შეხვედრა სთხოვა.

"ბევრი პროექტი განვახორციელეთ აქ, მაგრამ გვაქვს მიმდინარე პროექტებიც, რომელთა ტემპები კიდევ უფრო დაჩქარდება. მოსახლეობის თხოვნით მალე გადაიჭრება სასმელი წყლის მიწოდების პრობლემა, დავასრულეთ გზის მშენებლობა, მოვაწყეთ სარწყავი ინფრასტრუქტურა. ელექტროენერგიითა და ბუნებრივი გაზით ადგილობრივი მოსახლეობა უზრუნველყოფილია" - აღნიშნა პრემიერმა.