ამ წილხვედრ ქვეყანაში პუტინის და მისი დედის დამცველი უფრო მეტია ვიდრე იესოს და დედამისის

ამ წილხვედრ ქვეყანაში პუტინის და მისი დედის დამცველი უფრო მეტია ვიდრე იესოს და დედამისის - გიორგი გაბუნია

პოლიტიკა - 23:44, 20 Aug, 2019

2996

რუსთაველის გამზირზე, გიორგი გაბუნიამ პუტინის ტელეეტერით გინების შემდეგ პირველად ისაუბრა და განაცხადა, რომ ამის გამო ბოდიშის მოხდა არც ერთი წუთით არ უფიქრია. როგორც ჟურნალისტი აცხადებს მან ყველას სათქმელი თქვა.

“მე ვთქვი, მთელი საქართველოს სათქმელი . ამის თქმა ყველას უნდა კი არა, ამას ყველა ამბობს.

ხალხი მიიჩნევს, რომ ჩვენ შეგვიძლია ამის თქმა ქუჩაში, მაგრამ არა ტელევიზიაში. იმიტომ რომ ხალხი დაშინებულია ” – ამბობს გაბუნია.

ჟურნალისტმა აღნიშნა, რომ ამ ამბების შემდეგ კარგად დაინახა ის, რომ პუტინის დედას საქართველოში, უფრო მეტი დამცველი ჰყავს იესოს დედას”

“ხომ ვბაქიბუქობთ და ვამბობთ, რომ მორწმუნეები ვართ, დავინახე, ის, რომ იესოს და მის დედას, ბევრად უფრო ნაკლები დამცველი ჰყავს საქართველოში, ვიდრე პუტინს და მის დედას.

პუტინზე და მის დედაზე რაც მოხდა, ვითომ ხო იცავდნენ იესოს და ღვთისმშობელს ჩემგან , თან წილხვედრი ქვეყანა ვართ არ დაგავიწყდეთ. ბევრად უფრო ნაკლები აგრესია გამოიწვია ამან. მე გავაკეთე ის ეკრანიდან, რასაც ამბობს ყველა .

მე ვთქვი ყველას სათქმელი, ამიტომ ეს არ იყო შეცდომა , ერთი წამითაც არ მიფიქრია ბოდიშის მოხდა ამისთვის” – თქვა გიორგი გაბუნიამ.