"მე კონტრაქტში არ მიწერია, რომ რომელიმე მფლობელი უნდა მიყვარდეს"

"მე კონტრაქტში არ მიწერია, რომ რომელიმე მფლობელი უნდა მიყვარდეს" - ნანუკა ჟორჟოლიანი

პოლიტიკა - 16:49, 20 Aug, 2019

736

ჟურნალისტი ნანუკა ჟორჟოლიანი "რუსთავი 2"-იდან გაათავისუფლეს.

ჟორჟოლიანის თქმით, მას კონტრაქტში არ უწერია, რომ რომელიმე მფლობელი უნდა უყვარდეს.

მისივე წყაროს ინფორმაციით, ხალვაშს ის მიხეილ სააკაშვილის და წინა ხელისუფლების სიმპათიების გამო არ მოსწონდა.

"მოხდა ის, რაც მოსალოდნელი იყო, ჩვენ ამას ველოდებოდით გაცილებით უფრო ადრე, ვიდრე ეს მოხდა. რაც შეეხება ჩემი გათავისუფლების მიზეზს, როგორც მე დღეს პაატა სალია პირდაპირ ეთერში შემატყობინა, გამათავისუფლა იმიტომ რომ ქიბარ ხალვაში არ მომწონს და არ ვგულშემატკივრობ.... მე კონტრაქტი არ მიწერია, რომ რომელიმე მფლობელი უნდა მიყვარდეს, მე კონტრაქტში მიწერია, რომ უნდა ვაკეთებდე რეიტინგულ გადაცემას, რომელიც არხისთვის არის შემოსავლიანი და ამას აკეთებდა ნანუკას შოუ წლების განმავლობაში, ძალიან წარმატებით. იყო ერთ-ერთი მაღალშემოსავლიანი, ყოველ შემთხვევაში, ამ არხზე და დიდი შემოსავალი შემოჰქონდა ამ გადაცემას. მეც და ნოდარსაც ჩვენ ჩვენი წყაროები გვყავს, სამწუხაროდ მე პირადად წიბარ ხალვაშთან დაახლოებული პირები, რომლებმაც მითხრეს, რომ როდესაც ეს გადაწყვეტილება მიიღო ჩვენთან დაკავშირებით ქიბარმა თქვა, რომ ის ვერ იტანდა ჩემ გამოხატულ სიმპატიებს მიხეილ სააკაშვილისა და ყოფილი ხელისუფლების მიმართ, დღეს ეს გაცილებით უფრო მაკვირვებს, რომ პაატა სალიამ დაადასტურა ის ელაპარაკება იმ ადამიანს რომელიც სწორედ მიხეილ სააკაშვილის დროს აკეთებდა იმ კურიერს, რომელიც არ მოსწონდა ჩვენს მაყურებელს. პაატა სალიამ დააადასტურა, რომ ელაპრაკება წამყვან პოზიციაზე იმ ადამიანს, რომელიც შემდეგ მუშაობდა ბიძინა ივანიშვილთან საკმაოდ გავლენიან პოზიციაზე. ნუ მე მივხვდი ერთ რაღაცას, ივანიშვილი ტუ მოგწონთ რუსთავი 2-ში პრობლემა აღარ გაქვთ, თუ მიხეილ სააკაშვილი მოგწონთ თქვენი კარი დაკეტილია. ეს არის ლოგიკური და არავის არ გაგვკვირვებია და თავად უნდა მიეღოთ, მე ძალიან დიდ პატივს ვცემ თამარ კორძაიას და არ მინდა მის ნათესავზე რაიმე აუგად ვთქვა თუმცა, სიცრუეში უნდა ვამხილო პაატა სალია იმიტომ, რომ მოსვლის დღიდან ხელფასებს არ გვირიცხავდა. მინდა ჩემმა მაყურებელმაც იცოდეს პრემიებთან დაკავშირებით, არც ერთხელ ნანუკა ჟორჟოლიანს თეთრი არ აუღია, გარდა იმისა თუ გადაცემას რეკლამიდან როდესაც შემოგვქონდა თანხა" - განაცხადა ნანუკა ჟორჟოლიანმა.