"თხოვნაც გვქონდა , რომ ჩცდ დარჩენილიყო ამ არხზე, „ფორმულა კრეატივისგან“არაადეკვატური პასუხები მივიღეთ"- პაატა სალია

პოლიტიკა - 16:10, 20 Aug, 2019

886

„რუსთავი2“-ის გენერალური დირექტორის პაატა სალიას თქმით, არხის ახალი ხელმძღვანელობის სურვილი იყო, რომ „ფორმულა კრეატივთან“ თანამშრომლობა გაგრძელებულიყო, თუმცა კომპანიამ პოლიტიკური და მორალური მიზეზებით ამაზე უარი განაცხადა. აღნიშნულ მიზეზებს სალიამ არაადეკვატური უწოდა.

„მომხრე ვიყავით და თხოვნაც გვქონდა „ფორმულა კრეატივის“ წარმომადგენლებთან, რომ გარკვეული პროდეუქტები, მათ შორის „ჩემი ცოლის დაქალები“ დარჩენილიყო ამ არხზე, როგორც მინიმუმ წლის ბოლომდე, რომ გვქონოდა მეგობრული ურთიერთობა და დაგვესრულებინა ეს სეზონი ისე, რომ არც მათ და არც ჩვენ არ გვეზარალა. თუმცა აშკარად არაადეკვატური პასუხები მივიღეთ მათგან, გარკვეულ პოლიტიკურ შეხედულებებზე და მორალურ ვალდებულებებზე. ამიტომ ვამბობ რომ რომ არ გაჩნდეს გარკვეულ ეტაპზე კიდევ ვიღაცების პოლიტიკურ შეხედულებებზე, ფინანსურ და მორალურ ვალდებულებებზე, მადლიერების გრძნობაზე და აქედან გამოდინარე ეს არხი მოულოდნელად არ დატოვონ ადამიანებმა, სწორედ ამიტომ ვიღებთ ამ გადაწყვეტილებას, რომ ის ადამიანები ვინც რეალურად კონფლიქტში არიან ტელეკომპანიის და მისი მესაკუთრის ინტერესებთან, აღარ იყვნენ ამ არხზე.“- განაცხადა პაატა სალიამ.