უმრავლესობის წევრი გია ვოლსკი ბიძინა გეგიძის პარტიიდან გარიცხვას არ გამორიცხავს. მისი თქმით, პოლიტიკაში ჩვეულებრივი მომენტია, როდესაც პოზიციები არ ემთხვევა ერთ-ერთმა უნდა დატოვოს ჯგუფი და ის ადამიანები, ვისაც არ ეთანხმება.

"თუკი მისი პოზიცია არ შეესაბამება უმრავლესობის პოზიციას, ის უმტკივნეულოდ უნდა ჩამოშორდეს იგი უმრავლესობას. ოჯახები ინგრევა და ცოლ-ქმარი სცილდება რა გახდა ახლა პოლიტიკაში ჩვეულებრივი ამბავია, არ ემთხვევა პოზიციები და ორი სუბიექტი, ან ჯგუფი ან ადამიანები უნდა დასცილდნენ ერთმანეთს ამაში ტრაგედიას ვერაფერს ვხედავ. ამ უთანხმოების შედეგი იქნება ის, რომ ეს ადამიანები, ჩვენ უმრავლესობის დიდი ნაწილი და ბიძინა გეგიძე, ისე როგორც სხვანი გავიდნენ უმრავლესობიდან მოხდება გასვლა, გარიცხვის საკითხთან დაკავშირებით ჩემი პირადი დამოკიდებულებაა უარყოფითი, თუმცა ეს იმას არ ნიშნავს, რომ უნდა გამოვრიცხოთ" - აღნიშნა გია ვოლსკიმ.