საქართველოს შვიდკაცა რაგბის 18-წლამდელთა ნაკრებმა პოლონეთის ქალაქ გდანსკში გამართულ ევროპის ჩემპიონატზე მე-4 ადგილი დაიკავა.

ქართველებმა ჯგუფურ ეტაპზე შესანიშნავად იასპარეზეს და ზედიზედ სამი მატჩი მოიგეს: რუსეთის ნაკრებთან - 27:12, ლუქსემბურგთან - 29:12 და ბოლოს, ირლანდიასთან - 31:7 და ჯგუფში პირველი ადგილი დაიკავეს.

მეოთხედფინალში ქართველმა მორაგბეებმა ბელგიის ნაკრებს 21:5 მოგეს. თუმცა, ამ მატჩში გუნდის ლიდერს დავით ნინიაშვილს მეტოქეზე განზრახ უხეშობისთვის - მაღალი ბოჭვისთვის, მსაჯებმა წითელი ბარათით აჩვენეს და გააძევეს. გუნდმა მეორე ტაიმი კაცნაკლულმა ითამაშა, საბოლოოდ მაინც გაიმარჯვა, მაგრამ ნინიაშვილმა დისკვალიფიკაციის გამო ნახევარფინალი გამოტოვა, რომელიც სამწუხაროდ, უკანასკნელ წუთზე, როდესაც ანგარიში 14:12 იყო, დავთმეთ - ესპანელებმა ბოლო შეტევა წარმატებით დაასრულეს და 19:14 მოიგეს.

მოულოდნელად, მეორე ნახევარფინალში ჩემპიონატის ფავორიტი საფრანგეთის ნაკრები ირლანდიათან 24:14 დამარცხდა.

მე-3 ადგილისთვის მატჩში საქართველოს ნაკრებმა საფრანგეთთან 10:14 წააგო და მეოთხე ადგილს დასჯერდა, ჩემპიონი კი, ქართველი ახალგაზრდების მიერ ჯგუფში ადვილად დამარცხებული ირლანდია გახდა, რომელმაც ფინალში ესპანეთს 26:12 მოუგო.

მიუხედავად ამისა, აღსანიშნავია, რომ საქართველოს შვიდკაცა რაგბის 18-წლამდელთა ნაკრებმა საუკეთესო მაჩვენებელი (მეშვიდე) სამი პოზიციით გააუმჯობესა