სახელმწიფო მინისტრი შერიგებისა და სამოქალაქო თანასწორობის საკითხებში, ქეთევან ციხელაშვილის თქმით, სახელმწიფო რუსი ოკუპანტების მიერ უკანონოდ დაკავებულების გასათავისუფლებლად ყველაფერს აკეთებს

„სახელმწიფო ყველაფერს აკეთებს იმისთვის, რომ უკანონოდ დაკავებული პირები გათავისუფლდნენ მაქსიმალურად სწრაფად. ცხელი ხაზით მოწოდებული ინფომრაციით, მათი მდგომარეობა არის დამაკმაყოფილებელი. უკანონო დაკავება ჩვენი თანამოქალაქეებისთვის არის რა თქმა უნდა აბსოლუტურად გაუმართლებელი და ძალიან მტკივნეული არა მხოლოდ კონკრეტული ოჯახებისთვის, არამედ საზოგადოებისთვის" - აღნიშნა ქეთევან ციხელაშვილმა.