"მინდა, მივმართო გიორგი ანწუხელიძის შვილებს, რომელთაც მამა არ ახსოვთ, თქვენი მამა გმირია, გპირდებით, ყველაფერს გავაკეთებთ იმისთვის, რო თქვენმა თაობამ ბედნიერ ქვეყანაში იცხოვროს"

"მინდა, მივმართო გიორგი ანწუხელიძის შვილებს, რომელთაც მამა არ ახსოვთ, თქვენი მამა გმირია, გპირდებით, ყველაფერს გავაკეთებთ იმისთვის, რო თქვენმა თაობამ ბედნიერ ქვეყანაში იცხოვროს" - თალაკვაძე

პოლიტიკა - 17:30, 18 Aug, 2019

792

გიორგი ანწუხელიძე არის გმირი, რომელმაც ისტორია შექმნა - ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა.

„დღეს გიორგი ანწუხელიძის დაბადების დღეა! გმირის, რომელმაც ისტორია შექმნა! გმირის, რომელიც თავისუფლებისმოყვარე, ამაყი და გაუტეხელი ახალი საქართველოს სიმბოლოდ იქცა! 24 წლის სერჟანტმა აგვისტოს ომში სამშობლოსათვის თავდადების ისეთი მაგალითი მოგვცა, რომელზეც თაობები აღიზრდებიან და მისი გმირობა დარჩება ისტორიას!

მინდა, მივმართო გიორგის შვილებს, რომელთაც მამა არ ახსოვთ, თქვენი მამა გმირია! გპირდებით, ყველაფერს გავაკეთებთ იმისთვის, თქვენმა თაობამ მშვიდობიან, დამოუკიდებელ და ბედნიერ ქვეყანაში იცხოვროს! დიდება გმირებს!“ – აცხადებს არჩილ თალაკვაძე.

დღეს საქართველოს ეროვნულ გმირს, გიორგი ანწუხელიძეს 35 წელი შეუსრულდებოდა. IV ქვეითი ბრიგადის 41-ე ბატალიონის სამხედრო მოსამსახურე, უმცროსი სერჟანტი გიორგი ანწუხელიძე 2008 წლის რუსეთ-საქართველოს ომის დროს გმირულად დაიღუპა. ანწუხელიძე დაჯილდოებულია ვახტანგ გორგასლის I ხარისხის ორდენით, მედლით „სამშობლოსათვის თავდადებული“ და მინიჭებული აქვს ეროვნული გმირის წოდება. მის სახელს ატარებს სერჟანტთა აკადემია.