უმრავლესობის წევრი დიმიტრი ცქიტიშვილი გავრცელებულ ინფორმაციას საკონსტიტუციო სასამართლოში ირაკლი კობახიძისა და ირაკლი შოთაძის შესაძლო დანიშვნას აფასებს.

მისი თქმით, ოპოზიციის აზრი ამ თემასთან დაკავშირებით ნაკლებად მნიშვნელოვანია, რადგან მას საპროკურორო საბჭო ირჩევს და არა პარლამენტი.

„ირაკლი არის ერთ-ერთი ყველაზე მაღალი დონის კონსტიტუციონალისტი, მე ვინც ვიცი, თუმცა, ჯერჯერობით, საკონსტიტუციო სასამართლოს ჰყავს თავმჯდომარე, თუ არ ვცდები ჯერჯერობით, ვაკანსია არ არის... პროკურორი უნდა იყოს ის, ვისაც საპროკურორო საბჭო ირჩევს, კანონის მიხედვით როგორც იქნება შერჩეული ისე მოხდება. ოპოზიცია რას იტყვის, ნაკლებად მნიშვნელოვანია" - აღნიშნა ცქიტიშვილმა.