საქართველოს საგარეო საქმეთა მინისტრის დავით ზალკანიანის ინფორმაციით, გუგუტიანთკარში ოკუპანტების მიერ ამჟამად ხელოვნური ბარიერების აღმართვის პროცესი შეჩერებულია.

„ამჟამად მაქვს შესაბამისი უწყებიდან მიღებული ინფორმაცია, რომ პროცესი არ მიმდინარეობს, თუმცა ვაგრძელებთ აქტიურ მონიტორინგს, რომ საერთაშორისო თანამეგობრობა გვყავდეს აქტიურად ჩართული ამ პროცესში. თუ განახლდა პროცესი, ბუნებრივია, ჩვენ გამოვიყენებთ ჩვენს ხელთ არსებულ ყველა მექანიზმს. საზოგადოებამ უნდა იცოდეს, რომ 24 საათიან რეჟიმში მთელი დიპლომატიური სამსახური არის მობილიზიზებული პროცესებთან დაკავშირებით. როდესაც საუბარი გვაქვს ოკუპანტებზე და იმ პროცესებზე, რომელიც იქ მიმდინარეობს, ბუნებრივია, ჩვენ ვრჩებით მონიტორინგის რეჟიმში და ამაზე ვრეაგირებთ" - აღნიშნა მინისტრმა.