„ჩვენ 100 000 ადამიანი ვიქნებით“ - „გავრილოვის ღამის“ მსხვერპლთა დასაცავად ახალი მოძრაობა ხელმოწერების შეგროვებას იწყებს

პოლიტიკა - 13:09, 16 Aug, 2019

1275

„გავრილოვის ღამის“ მსხვერპლთა დასაცავად ახალი მოძრაობა იწყება, რომლის ერთ-ერთი ორგანიზატორი პოლიტიკური მოძრაობა ”გამარჯვებული საქართველოს” ერთ-ერთი ლიდერი, გურამ ჩალაგაშვილიცაა.

ჩალაგაშვილის თქმით, მოძრაობა ყველა პატიმარს დაიცავს, რომლებიც ბიძინა ივანიშვილი პოლიტიკური პოლიტმრები არიან.

"სად ვცხოვრობთ, მგონი, ყველასთვის ცნობილია, აქ ვდგავართ ადამიანები, რომლებმაც მივიღეთ გადაწყვეტილება, შევქმნათ ყოველგვარი პარტიული, ვიწროინტერესების გარეშე მოძრაობა, რომელსაც ჰქვია 20 ივნისის პოლიტპატიმრები. მინდა, მივმართო ყველა მოქალაქეს, ემიგრანტს, ჩვენო ძმებო და ჩვენო დებო, გვერდის თითო ლაიქი, რომელიც ამ მოძრაობისთვის შეიქმნა, თითოეული თქვენთაგანის ხელმოწერა, რაც ნიშნავს იმას, რომ ძალიან მალე, ჩვენ 100 000 ადამიანი ვიქნებით, აი, ამ გამწარებული მშობლების და ადამიანების გადამრჩენელები და დავუდგებით გვერდით, ამ გაერთიანების მეშვეობით ძალიან მალე დანარჩენ ადამიანებს, დაწყებული კობა კოშაძით გაგრძელებული ბესიკ თავლიანით და დასრულებული ნიკა მელიათი და ირაკლი ოქრუაშვილით ვიხილავთ გარეთ. ესენი არიან ბიძინა ივანიშვილის პირადი ტყვეები პირადი, პატიმრები და ივანიშვილი ძალიან მალე მოეგება გონს, ამაში დარწმუნებულები ვართ და მიიღებს იმ გადაწყვეტილებას, რაც უნდა მიიღოს, წინააღმდეგ შემთხვევაში, მიიღებს იმას, რისი სურვილიც მას დიდად არ გააჩნია" - აღნიშნა ჩალაგაშვილმა.