საზარელი მკვლელობა ყანდაურაში - ომარ გამყრელიძის ადვოკატი პოლიციელებს ბრალდებულის ცემაში ადანაშაულებს

პოლიტიკა - 19:10, 15 Aug, 2019

792

სასტიკი მკვლელობა ყანდაურაში - თელავის რაიონულ სასამართლოში საქმის არსებითი განხილვა გრძელდება. შესავალი სიტყვის წარმოთქმის შემდეგ ომარ გამყრელიძე უფროსმა სამართალდამცავების მხრიდან საგარეჯოს პოლიციაში მასზე განხორციელებული ცემის ფაქტის გამოძიება ითხოვა და განაცხადა, რომ მას ნეკნი გაუტეხეს. მოსამართლე მამუკა წიკლაურმა ბრალდების მხარეს, გამყრელიძის სამედიცინო ექსპერტიზის წარდგენა მოსთხოვა.

პროკურორის თქმით, გამყრელიძის განცხადებაზე გამოძიება დაწყებულია. გამყრელიძეების ადვოკატის ინფორმაციით, კი პროკურატურა სამედიცინო ექსპერტიზის დასკვნას ვერ წარმოადგენს. რადგან, მისივე თქმით, ექსპერტიზა საერთოდ არ ჩატარებულა.

გამყრელიძეების ადვოკატის თქმით, დღეს ბრალდების მხარის მიერ წარმოდგენილი მტკიცებულებები მისი დაცვის ქვეშ მყოფების უდანაშაულობას ამტკიცებს, რადგან ნოდარ გამყრელიძის დნმ, მკვლელობის იარაღზე არ აღმოჩნდა.

„წარმოდგენილი მტკიცებულებები რაც არის ყველაფერი არის ჩემი დაცვის ქვეშ მყოფების სასარგებლოდ. ვინაიდან ექსპერტის დასკვნა მიუთითებს რომ ტყვია რომლიდანაც გარდაცვლილი არის ელიზა გამყრელიძე ვერ დგინდება ეს ტყვია რომელი იარაღიდან გავარდა. ასევე გვაქვს ექსპერტის დასკვნები სადაც ნოდარი ომარის ძე გამყრელიძეს ეხება, რომ მისი არც დნმ და არც ანაბეჭდი საბრძოლო მასალაზე რომელსაც ედავება პროკურატურა არ აღმოჩნდა. რა თქმა უდნა გამოძიებას არ აწყობს რომ დაფიქსირდეს, მის მიერ ჩადენილი სისხლის სამართლის დანაშაული,“-განაცხადა ომარ გამყრელიძის ადვოკატმა გილერი ენდელაძემ.