იგეგმება თუ არა სამთავრობო ცვლილებები და პრემიერ-მინისტრის გადადგომა, ამასთან დაკავშირებით დასმულ შეკითხვას მთავრობის ამჟამინდელი ხელმძღვანელი არ პასუხობს.

შესაძლო სამთავრობო ცვლილებებს არ ადასტურებს "ქართული ოცნების" წევრი გია ვოლსკი.

ვოლსკის თქმით, აღნიშნულთან დაკავშირებით, ხელისუფლების წარმომადგენლებს შორის კონსულტაციები არ მიმდინარეობს.

“სიახლეები საჭიროა საქმიანობაში, ამასთან დაკავშირებით ლაპარაკობს პრემიერს-მინისტრი, ბიძინა ივანიშვილი და საერთოდ, ადამიანი არ არის დარჩენილი, ჩვენ გუნდში, თუ სხვა გუნდში, რომ ამ სიახლეების თაობაზე არ ლაპარაკობდეს და კონკრეტულ მიმართულებების არ ასახელებს, განათლების სფერო იქნება თუ ეკონომიკის სფერო. ეს სიახლეებია საჭირო. მამუკამაც არაერთხელ თქვა, რომ თუ ამ სიახლეებს და ამ ტემპს ვერ მოერგება კონკრეტული ადამიანი, რასაკვირველია, ის ადამიანი შეიცვლება. ჯერჯერობით, ამ საკითხზე, ცვლილებებზე კონკრეტული საუბარი არ ყოფილა და ამის წინაპირობა და საფუძველი ჯერჯერობით, არ არსებობს" - აღნიშნა ვოლსკიმ.