რუსმა ოკუპანტებმა უკანონო საზღვარი კიდევ უფრო გადმოწიეს, რის შედეგადაც საკარმიდამო ნაკვეთების შემდეგ, უკვე ადგილობრივების სახლების ნაწილი ე.წ. საზღვარს მიღმა მოექცა.

ადგილზე დღეს ჩავლენ დიპლომატიური კორპუსის წარმომადგენლები.

მოსახლეობა შეშინებულია და დახმარებას ითხოვს. გუგუტიანთკარში მცხოვრები ერთ-ერთი მოსახლე, გია რაზმაძემ საკუთარ სახლის დანგრევა დაიწყო და ტერიტორიის დატოვებისთვის ემზადება.

რაზმაძის დახმარება გადაწყვიტა მამუკა ხაზარაძემ. მისი თქმით, რაზმაძეების ოჯახს ერთ თვეში ახალი სახლი ექნებათ.

მიმდინარე პროცესებს აკვირდებიან ქართველი სამართალდამცავებიც.