ნიკა გვარამია პროკურატურაში იმყოფებოდა - რ2-ის ყოფილმა დირექტორმა ე.წ. უნიკალური კოდი არ ჩაიბარა

პოლიტიკა - 20:51, 14 Aug, 2019

1986

„რუსთავი 2“-ის ყოფილი გენერალური დირექტორი ნიკა გვარამია გენერალურ პროკურატურაში ადვოკატთან ერთად იმყოფებოდა.

გვარამია არ აპირებს გირაოს გადახდას და კოდის ჩაბარებაზე უარის თქმა განპირობებულია იმ მიზეზით, რომ მისმა რომელიმე გულშემატკივარმა არ ჩარიცხოს თანხა მასთან შეუთანხმებლად

"მე ნათქვამი მაქვს, რომ გირაოს არ გადავიხდი. ამის უფლებას არ ვაძლევ არც იმ ადამიანებს ვინც ეს შეიძლება კეთილი ზრახვებით გააკეთოს. ჩემს გულშემატკივრებს და ადამიანებს ვინც თვლის რომ ჩემი გარეთ ყოფნა მნიშვნელოვანია. მე არ ვაძლევ ამის უფლებას არავის და ვერც მივცემ რომც მინდოდეს. გირაოს უნიკალური კოდი არ ჩავიბარე. შესაბამისად, ის არ ვიცი და ამიერიდან ერთადერთი პასუხისმგებელი იმაზე თუ ვინმე ჩარიცხვას გირაოს ჩემს ანგარიშზე არის ეს უწყება იმიტომ რომ მხოლოდ მან იცის გირაოს უნიკალური კოდი. ამიტომ თუ მოუნდება რაღაცის „გაჩალიჩება“ ამაზე პასუხიც გვექნება. განმიმარტეს, რომ ეს არ გადახდა შეიძლება დასრულდეს უფრო მძიმე აღკვეთის ღონისძიებით, პატიმრობით. დასრულდეს, მე არ მაქვს არანაირი პრობლემა. გირაოს არ გადავიხდი იმ ვითარებაზე როცა მე ვარ მართალი და როცა მბრალდება არარსებული დანაშაული და ეს დანაშაული არის რუსთავი 2-ისვის რაღაც ფულის მითვისება. გამორიცხულია. კომპანიაში, რომელშიც სახლიდან მაქვს მოტანილი ლამის და 7 წელი ამას შევალიე, ასეთ ბრალდებაზე მე ხელს არ მოვაწერ, მათშორის არც გირაოთი"- აღნიშნა გვარამიამ.

შეგახსენებთ, რომ „რუსთავი 2“-ის ყოფილ გენერალურ დირექტორს საქართველოს სისხლის სამართლის კოდექსი 220-ე მუხლით გათვალისწინებული დანაშაულის ჩადენას ედავებიან.