პრემიერ-მინისტრის, მამუკა ბახტაძის განცხადებას იმასთან დაკავშირებით, რომ წლის ბოლომდე კობი-გუდაურის ჩქაროსნული მაგისტრალის პროექტის განხორციელება დაიწყება, საქართველოს მესამე პრეზიდენტი გამოეხმაურა. მიხეილ სააკაშვილის თქმით, მთავრობა ახალ „როკის გვირაბს“ ქმნის, რომლითაც რუსეთს ეხსნება სამხედრო გზა თბილისის სწრაფი აღებისთვის:

„ესაა ახალი როკის გვირაბი. 2008 წელს მე გავეცი გორიდან უკან დახევის ბრძანება მას შემდეგ რაც მივიღე ცნობა ლარსზე რუსული ჯავშანტექნიკის კონცენტრაციის.

რომ არ დაგვეხია, ეს დაჯგუფება ზუსტად ისე მოაქცევდა ალყაში და ჩახოცავდა ჩვენს ჯარს, როგორც რუსებმა გააკეთეს მოგვიანებით უკრაინულ ილოვაისკში 2014 წელს. ავტობანის აშენების შემთხვევაში რუსეთს ეხსნება სამხედრო გზა თბილისის სწრაფი აღებისთვის. ეს 100% პუტინის დაკვეთაა, რომელსაც ივანიშვილი ასრულებს და ტურიზმის განვითარება აქ არაფერ შუაშია.“- წერს მიხეილ სააკაშვილი ფეისბუკზე.