ტვ პირველის სერვერზე განხორციელებულ კიბერშეტევასთან დაკავშირებით არხის აღმასრულებელმა დირექტორმა განცხადება გააკეთა. მისი თქმით, ყველაფერი კეთდება იმისთვის რომ პრობლემის აღმოფხვრა მოხდეს და იმედოვნებს, რომ ამ კიბერ შეტევას ცუდი შედეგები არ მოჰყვება:

„დღეს დაახლოებით დილის 5 საათზე მივიღეთ შეტყობინება ტექნიკური ჯგუფისგან რომ გაითიშა არხი, ჩვენს სერვერზე განხორციელდა კიბერშეტევა, მოხდა ძლიერი დავირუსება. ჩვენ სასწრაფოდ ჩავხსენით სერვერი და შევწყვიტეთ მაუწყებლობა, რომ გავრკვეულიყავით სიტუაციაში. სამწუხაროდ ამ ეტაპამდე ვერ ხერხდება პირდაპირი ეთერის აღდგენა, ჩვენ მხოლოდ ფილმებს ვუშვებთ ეთერში, ვერ ვართ წარმოდგენილი პირდაპირი ეთერებით - საინფორმაციო, დღის ამბებით, პოლიტიკური გადაცემებით. ვაკეთებთ ყველაფერს რომ დროულად მოხდეს ამ პრობლემის აღმოფხვრა და იმედი გვაქვს არ ექნება ისეთი ცუდი შედეგები რაც არის მოსალოდნელი კიბერშეტევის დროს.“