პრემიერ-მინისტრის თქმით, გუგუტიანთკარში მცხოვრები მოსახლეობის განცხადებას იმის შესახებ, რომ ხელისუფლება არსებული ვითარებით არ ინტერესდება, დეზინფორმაციაა.

„სამწუხაროდ, ოკუპანტი განაგრძობს ე.წ. ბორდერიზაციის პროცესს. ძალიან მნიშვნელოვანია, რომ აქტიურად არის ჩართული საერთაშორისო საზოგადოება, ჩვენი პარტნიორი ქვეყნები და ინფორმირებული არის ყველა. მე ვგეგმავ ზოგადად საოკუპაციო ხაზთან მდებარე სოფლებში ჩასვლას. მე ვიყავი რამდენიმე მათგანში ჩასული და ბუნებრივია, აქაც ვგეგმავ. ეს არის დეზინფორმაცია, რომ სამთავრობო უწყების წარმომადგენლები იქ ჩასულები არ იყვნენ. არა თუ ჩასულები არ იყვნენ, ისინი 24 საათის განმავლობაში იყვნენ იქ და უწევდნენ ინტენსიურ მონიტორინგს ამ სიტუაციას და ჰქონდა ინტენსიური კომუნიკაცია ყველას,“- ამბობს ბახტაძე.