სრულიად მცდარმა, მოუფიქრებელმა და უგუნურმა თეზისმა, "რუსეთი არ გავაღიზიანოთ", გაცილებით უარეს მდგომარეობაში ჩაგვაყენა

სრულიად მცდარმა, მოუფიქრებელმა და უგუნურმა თეზისმა, "რუსეთი არ გავაღიზიანოთ", გაცილებით უარეს მდგომარეობაში ჩაგვაყენა - გრიგოლ ვაშაძე

პოლიტიკა - 12:11, 11 Aug, 2019

1062

11 წელი აგვისტოს ომიდან - რუსეთი 2008 წლის 12 აგვისტოს ცეცხლის შეწყვეტის შესახებ დადებულ ექვს პუნქტიანშეთანხმებას დღემდე არ ასრულებს .

ოპოზიცია საქართველოს ხელისუფლებას ამ მიმართულებით საერთშორისო ასპარეზის არასაკმარისად გამოყენებასა და მოღალატეობრივ ქმედებაში ადანაშაულებენ.

საგარეო საქმეთა ყოფილი მინისტრი და გაერთიანებული ოპოზიციის ლიდერი, გრიგოლ ვაშაძე ამბობს, რომ "ქართული ოცნების" მიდგომამ, "არ გავაღიზიანოთ რუსეთი", ქვეყანა კიდევ უფრო რთულ ვითარებაში ჩააყენა.

„სრულიად მცდარმა, მოუფიქრებელმა და უგუნურმა თეზისმა, "რუსეთი არ გავაღიზიანოთ", გაცილებით უარეს მდგომარეობაში ჩაგვაყენა. რა დიდი მომზადება სჭირდება იმას, რომ საერთაშორისო ორგანიზაციებში, ჩვენი ძალიან კვალიფიცირებული დიპლომატიის მეშვეობით, აბსოლუტურად ყველა დოკუმენტში ჩვენ ვეცადოთ იმ თემების შეტანა, რაც საქართველოს დეოკუპაციას სჭირდება და მათ შორის 2008 წლის 12 აგვისტოს შეთანხმების შესრულებას. მაგრამ არაფერი ეს არ კეთდება. თუ არ გაქვს მუდმივი, ყოველდღიური მუშაობა, უპირველესყოვლისა შენს მოკავშირეებთან, რა თქმა უნდა სულ ყველას ეს თემა ავიწყდება.

მარტივი მაგალითი მინდა მოგიყვანოთ, საერთოდ გაქრა საქართველო და საქართველოს ოკუპირებული რეგიონების თემა, ჩვენი მოკავშირეების სიიდან. ყველა ლაპარაკობს უკრაინაზე. მაგრამ არავინ არ ახსენებს, რომ უკრაინაში მომხდარი აგრესია იყო სხვა არაფერი, თუ არა საქართველოს წინააღმდეგ დაწყებული ტერორისტული აგრესიის გაგრძელება,"-განაცხადა გრიგოლ ვაშაძემ.