პროკურატურა ნიკა გვარამიასთვის 80 ათას ლარიან გირაოს და უწყების გაფრთხილების გარეშე ქვეყნის დატოვების აკრძალვას მოითხოვს

პოლიტიკა - 20:30, 10 Aug, 2019

732

პროკურატურა ნიკა გვარამიასთვის 80 ათას ლარიან გირაოს და უწყების გაფრთხილების გარეშე ქვეყნის დატოვების აკრძალვას მოითხოვს.

გენერალურმა პროკურატურამ თბილისის საქალაქო სასამართლოს ნიკა გვარამიას საქმეზე აღკვეთის ღონისძიების შეფარდებაზე შუამდგომლობით დღეს მიმართა.

„სისხლის სამართლის საქმეში მოპოვებული მტკიცებულებები იძლევა ვარაუდის საფუძველს, რომ ბრალდებული მიიმალება, მოახდენს მოწმეებზე ზეწოლას და ასევე, ხელს შეუშლის მტკიცებულებების მოპოვებას, არსებობს ამის რეალური საფრთხეები და მიგვაჩნია, რომ გირაო და დამატებითი ღონისძიება იქნება ამ საფრთხეების განეიტრალების ერთადერთი საშუალება და აღნიშნული აღკვეთის ღონისძიება უზრუნველყოფს სრულად საპროცესო კოდექსის გათვალისწინებას“, - განაცხადა პროკურორმა.

პროკურორის თქმით, საქმეში არსებობს მტკიცებულებები, რომ ნიკა გვარამიამ დანაშაული ჩაიდინა.

პროკურორი ასევე გამოეხმაურა პროკურატურაში გუშინ გამართულ ბრიფინგს, სადაც ბინებზე იყო საუბარი. მისივე თქმით, გუშინდელ ბრიფინგზე არ თქმულა, რომ გვარმიას ედავებიან ბინების გადაფორმებას.