" მე გუშინ მოვედი სპეციალურად განსხვავებული შარვლით, ჟაჯ***ლი შარვლით და დღეს ზუსტად ეგეთია საქართველოს პროკურატურა" - ნიკა გვარამია საქალაქო სასამართლოში მივიდა

პოლიტიკა - 19:59, 10 Aug, 2019

1020

ნიკა გვარამია საქალაქო სასამართლოს შენობასთან მივიდა. დღეს სასამართლომ "რუსთავი 2-ის" ყოფილი გენერალური დირექტორისთვის აღკვეთის ღონისძიების შეფარდების საკითხზე უნდა იმსჯელოს.

სხდომის მოსამართლე გიორგი კერატიშვილი იქნება.

ნიკა გვარამიას ინფორმაციით, პროკურატურა აღკვეთის ღონისძიების სახით 80 ათასი ლარის გადახდას ითხოვს.

გვარამია აცხადებს, რომ ის არანაირი გირაოს გადახდას არ აპირებს

"გუშინ სპეციალურად მოვედი განსხვავებული შარვლით, ჩაჯ@@ლლი შარვლით და დღეს ზუსტად ეგეთია საქართველოს პროკურატურა. ჩვენ ვიცოდით, რომ მას უნდა შემოიტანა 50 000-იანი გირაო, მაგრამ შემოიტანა 80 000-იანი და რატომ შემოიტანა არავინ იცის. როცა ბრალდებული ამბობს, რომ ის არ გადაიხდის გირაოს პროკურატურა ვალდებულია თუ მას სჭირდება აღკვეთი ღონისძიება, ისეთი აღკვეთი ღომისძიება შენოიტანოს, რომლებიც უზრუნველყოფს მის მიზნებს, ამ შემთხვევაში ეს იყო ერთადერთი, პატიმრობა. მოლლედ და კონკრეტულად, როგორი შარვალიც მეცვა ისეთია პროკურატურა.

ბიძნა ივანიშვილის დამარცხებების სერია დაიწყო, რასაც გილოცავთ და ეს დამარცხებები დამთავრდება იმით რომ, კაპიტულაციას ის ჩამაბარებს მე. პირველი დამარცხება სახეზეა, რაც არ უნდა მოითხოვონ გირაოს გადამხდელი არ ვარ. მაინტერესებს პროკურატურა როგორ შემიფარდებსგირაოს იმ ბრალდებულოს, რომელიც ამბობს წინასწარ , რომ ის არ გადაიხდის გირაოს მოსამართლესაც არ აქვს ამის უფლება" - ამბობს გვარამია.