ირაკლი ოქრუაშვილის ადვოკატი სამხარაულის დასკვნას არ ენდობა და კომლექსური ექსპერტიზის ჩატარებას მოითხოვს

პოლიტიკა - 16:03, 09 Aug, 2019

1009

სამხარაულის სახელობის ექსპერტიზის ბიუროს დასკვნას, სადაც აღნიშნულია, რომ დოკუმენტზე ხელმოწერა ქიბარ ხალვაშს არ ეკუთვნის, ირაკლი ოქრუაშვილის ადვოკატი უნდობლობას უცხადებს.

გიორგი ზედელაშვილი საეჭვოდ მიიჩნევს დამატებით წარდგენილ დოკუმენტაციას, რომელიც საბაჟო დეკლარაციებია. ოქრუაშვილის ადვოკატი არ გამორიცხვას, რომ ალტერნატიული ექსპერტიზის ჩატარება მოითხოვოს.

„ეს რომ არაობიექტურია, ეს ცალსახაა, ვინაიდან, საქმეში, მოგეხსენებათ, გვაქვს სამი დასკვნა, სადაც ერთმნიშვნელოვნად წერია, რომ 2010 წლის ოთხი თებერვლის დოკუმენტზე შესრულებული ქიბარ ხალვაშის ხელმოწერა არის ნამდვილი, ანუ შესრულებულია მის მიერ. არცერთ ექსპერტს ამაში ეჭვი არ შეუტანია, ამ ექსპერტიზის დასკვნის დასადებად გამოყენებული იქნა ქიბარ ხალვაშსა და ეროსი კიწმარიშვილს შორის დადებული ხელშეკრულებები, სადაც არსებობს 14 ხელმოწერა და 14 ხელმოწერის ნიმუში დედნის სახით, რომელიც იქნა შედარებული 2010 წლის 4 თებერვლის დოკუმენტს, ამ დოკუმენტზე შედარების შედეგად იყო ცალმხრივი და ერთმნიშვნელოვანი დასკვნა, რომ ნამდვილად ქიბარ ხალვაშს ეკუთვნის ეს ხელმოწერა. ვფიქრობთ, რომ გადავდგამთ სამართლებრივ ნაბიჯებს, მოვითხოვთ განმეორებითი ექსპერტიზის ჩატარებას, კომპლექსური ექსპერტიზის ჩატარებას,“ - განაცხადა ადვოკატმა, გიორგი ზედელაშვილმა.