იუსტიციის უმაღლესი საბჭოს წევრები სააპელაციო სასამართლოს მოსამართლე ნინო ქადაგიძეს უსმენენ.

ნინო ქადაგიძე ერთ-ერთია, ვინც 2018 წლის დეკემბერში, პარლამენტისთვის წარდგენილ, უზენაესი სასამართლოს მოსამართლეთა ათკაციან სიაში იყო.

„სისტემა თავად ავლენს საკუთარ იარას, რადგან ყველაზე მწვავედ აქამდე გამოსული კანდიდატები და საბჭოს წევრები რეაგირებენ ერთადერთ სახელზე და ეს სახელი არის მიხეილ ჩინჩალაძე. არა კანტი, არა ჰეგელი, არა ილია ჭავჭავაძე, არამედ მიხეილ ჩინჩალაძე. ეს არის სისტემის მთავარი იარა“,- განაცხადა ანა დოლიძემ.

ანა დოლიძის ბრალდებას უპასუხა დიმიტრი გვრიტიშვილმა.

„არარელევანტური კითხვებია. კანდიდატის შეფასებისთვის, ჩვენი აზრით, არ არის საჭირო იმის გამორკვევა, მიხეილ ჩინჩალაძე რამდენად კარგი მენეჯერია“, -თქვა დიმიტრი გვრიტიშვილმა.