"ველოდებით რომ იქნება შემოტევა, რადგან ტელევიზია დამოკიდებელია"- ვატო წერეთლის გამოკითხვა დასრულდა (ვიდეო)

პოლიტიკა - 15:52, 08 Aug, 2019

1287

ტელეკომპანია "პირველის" დამფუძებლის გამოკითხვა დასრულდა. როგორც თბილისის საქალაქო სასამართლოდან გამოსულმა წერეთელმა ჟურნალისტებს განუცხადა, მისი აზრით პროკურატურა მამამისის მიმართ სისხლის სამართლებრივი დევნის დაწყებას აპირებს, რომ მასზე, როგორც ტელევიზიის დირექტორზე მანიპულირება მოახდინონს.

"ჩემი აზრით, უნდათ მამაჩემზე და ვადასტურებ რომ მამა მამაა... უნდათ, სისხლის სამართლის საქმის აღძვრა. მერე შეეცდებიან ჩემზე მანიპულირებას. საბოლო მიზანი ტვ. პირველია. ტელევიზიასთან დაკავშირებით იყო ერთგვარი შემოტევები. ტელევიზია არის დამოუკიდებელი, ყოველთვის რჩება გავლენების მიღმა და მოვლენების ეპიცენტრში. ამიტომ ველოდებით, რომ იქნება შემოტევა"- თქვა მან.

ვატო წერეთლის თქმით, პროკურატურას კითხვები ძირითადად 11 წლის წინ განხორციელკებული ტრანზაქციის შესახებ ჰქონდა.

საქართველოს პროკურატურაში აცხადებენ, რომ „ტვ პირველის“ დამფუძნებლის ვატო (ვახტანგ) წერეთლის საგამოძიებო უწყებაში გამოკითხვაზე დაბარება უკანონო შემოსავლის ლეგალიზაციის ფაქტზე 2018 წლის 2 აგვისტოს დაწყებულ გამოძიებას უკავშირდება.

ცნობისთვის, აღნიშნულ საქმეზე თიბისი ბანკის დამფუძნებლებს - მამუკა ხაზარაძესა და ბადრი ჯაფარიძეს ბრალი წარუდგინეს. მათ ფულის გათეთრებას ედავებიან.