საქალაქო სასამართლოში "ტვ პირველის" დამფუძნებლისა და მფლობელის ვატო წერეთელის დაკითხვა ამ წუთებში მიმდინარეობს.

როგორც საქმის პროკურორმა არჩილ ტყეშელაშვილმა დაკითხვამდე ჟურნალისტებთან საუბრისას განაცხადა, საქმესთან დაკავშირებით მტკიცებულებების მოპოვება ეტაპობრივად ხდება.

"მტკიცებულებების მოპოვება ხდება ეტაპობრივად. ბუნებრივია, ყველა მტკიცებულების ერთდროულად მოპოვება შეუძლებელია, შესაბამისად, როდესაც მიზანშეწონილად ჩაითვალა, რომ დაკითხულიყო ვახტანგ წერეთელი, სწორედ მაშინ მივმართეთ მას. მას შემდეგ, რაც გავაანალიზეთ მოპოვებული მტკიცებულებები, დავდექით ამ აუცილებლობაზე და სწორედ ახლა ვკითხავთ ვახტანგ წერეთელს" - აღნიშნა ტყეშელაშვილმა.