„ჩვენ დღეს აქ არ მოვსულვათ ომთან დაკავშირებით თარიღის დასაზუსტებლად"- რატომ ადის მუხათგვერდის ძმათა სასაფლაოზე ხელისუფლება 8 აგვისტოს

პოლიტიკა - 11:08, 08 Aug, 2019

783

ვინ და როდის დაიწყო ომი - მუხათგვერის ძმათა სასაფლაოზე საპარლამენტო უმრავლესობა დღეს 8 აგვისტოს ავიდა. რუსეთ-საქართველოს ომის გმირებს პატივი ოპოზიციამ გუშინ მიაგო.

მედიამ პარლამენტის თავმჯდომარეს ჰკითხა, რატომ ადის ხელისუფლება მუხათგვერდზე 8 აგვისტოს, რაზეც არჩილ თალაკვაძემ თქვა, რომ „ქართული ოცნება“ მუხათგვერდის ძმათა სასაფლაოზე გუშინაც იმყოფებოდა.

„ჩვენ დღეს აქ არ მოვსულვათ ომთან დაკავშირებით თარიღის დასაზუსტებლად. მოვედით იმისათვის, რომ პატივი მივაგოთ ჩვენს გმირებს, ვანუგეშოთ მათი ოჯახები. ჩვენი თანაგუნდელები, „ქართული ოცნება“ აქ გუშინაც ვიყავით. მოვედით აქ დღესაც იმისათვის, რათა ოჯახებს შევხვედროდით. სამწუხაროა, რომ ყოფილი ხელისუფლების წარმომადგენლები დღესაც თავის მართლების რეჟიმში არიან ომთან დაკავშირებულ მოვლენებზე, თუმცა ეს არის საკითხი, სადაც ჩვენ გვჭირდება ერთიანობა, სადაც მთელი საზოგადოება და ხელისუფლება უნდა იყოს ერთიანი, ვინაიდან საქართველოს ტერიტორიული მთლიანობა და ჩვენი ქვეყნის ინტერესები უპირატესია. ჩვენ მშვიდობით გავიმარჯვებთ ამ ომში, ჩვენი ხელისუფლების პირობებში მშვიდობა და უსაფრთხოება არის დაცული და მომავალშიც ჩვენ ვპირდებით საზოგადოებას, რომ შევინარჩუნებთ მშვიდობას, შევინარჩუნებთ ჩვენი ქვეყნის განვითარებას“, - განაცხადა არჩილ თალკვაძემ.