"რუსთავი 2"-ის ყოფილი გენერალური დირექტორი, გამოკითხვის ოქმის გადაცნობად სასამართლოში დაიბარეს.

ნიკა გვარამიას თქმით, გამოძიება მის მიერ დაანონსებულ ტელევიზიის შექმნას უკავშირდება. ის უდანაშაულოა და მის წინააღმდეგ უკანონო პროცესი მიმდინარეობს.

„როდესაც თხზავენ დანაშაულს, იქ ხომ ზღვარი არ არსებობს. როგორ უნდა ვიმკითხაო უკანონობა სადამდე მივა. ამისი წინასწარმეტყველება შეუძლებელია. მე ვიცი, რომ არაფერი არ ჩამიდენია. შეუძლებელია ჩემთვის რამის ინკრიმინირება. და კანონს რომ მიჰყვებოდეს პროკურატურა და სასამართლო, მე შემიძლია წინასწარმეტყველება მაგრამ ხომ ვიცით, რომ ეს ესე არ არის. უკანონობის წინასწარმეტყველება შეუძლებელია. ეს შეიძლება დამთავრდეს დაკავებით, ეს შეიძლება დამთავრდეს სხვა რამე გზით. მაგრამ ამას არანაირი მნიშვნელობა არ აქვს. რაც მე ვთქვი ის მაინც გაკეთდება. არ მადარდებს საერთოდ" - აღნიშნა გვარამიამ.

ნიკა გვარამია მის დაკავებას არ გამორიცხავს.