"კლინიკური იდიოტიზმი... აუცილებლად გავყრით ამათ არჩევნების გზით"- ვაშაძე ვოლსკის განცხადებაზე

პოლიტიკა - 12:33, 07 Aug, 2019

1067

გაერთიანებული ოპოზიცია "ძალა ერთობაშიას" ერთ-ერთი ლიდერი და "ერთიანი ნაციონალური მოძრაობის" თავმჯდომარე, გრიგოლ ვაშაძე "კლინიკური იდიოტიზმს" უწოდებს "ქართული ოცნების" სახეების განცხადებებს, სადაც ხელისუფლების წარმომადგენლები რუსეთ-საქართველოს ომის დაწყებაში საქართველოს ყოფილ ხელისუფლებას ადანაშაულებენ.

ოპოზიციის ლიდერის თქმით, ხელსიუფლება სიტყვა-სიტყვით იმეორებს პუტინის გზავნილებსა და რუსულ რიტორიკას.

„ვცდილობ ამ პიროვნებას სოკოსავით რომ არის ამოსული შევარდნაძის რეჟიმის მოსახსენიებლად, პასუხი გავცე ისე, რომ პირადული შეურაცხყოფა არ მივაყენო და თან მივანიშნო, რომ იდიოტიზმი რა თქმა უნდა ცოდვა არ არის, მაგრამ ამის ყოველდღე ტელევიზორში დემონსტრირება საჭირო ნამდვილად არ არის, იმიტომ რომე ს არის კლინიკური იდიოტიზმი, რასაც ეს ადამიანი და მასთან ერთად "ქართულ ოცნებაში" გაერთიანებული ხალხი ლაპარაკობს. ზუსტად ასევე ყველას შეუძლია მას უთხრას, ის რომ სახელმწიფოს რომელიღაც სამინისტროში რომ მუშაობდა, მაშინ ის აგრესიები ვისი მოწყობილი იყო, საქართველოს ხელისუფლების?

კოშმარია, რომ ვიღაცა ამ ტიპებს საერთოდ უშვებს ინტერნეტთან, რომ თავის ბოდვა გამოთქვან და რუსეთს კიდევ მიაწოდონ ამუნიცია. ასეთი ხელისუფლება გვყავს რაც გვყავს, აუცილებლად გავყრით ამათ არჩევნების გზით იმიტომ რომ აუტანელია უკვე ამათი მარაზმი“- განაცხადა გრიგოლ ვაშაძემ.

"ქართული ოცნების" ლიდერი გია ვოლსკი ომის დაწყებაშიც და მის შედეგებშიც საქართველოს იმდროინდელ ხელისუფლებას და მესამე პრეზიდენტს, მიხეილ სააკაშვილს ადანაშაულებს.

უმრავლესობის დეპუტატის თქმით, საქართველოს ტერიტორია ქართულმა მხარემ, რუსეთის დაკვეთით დაბომბა.