"ქართული ოცნების" მთავრობის ადმინისტრაციამ მიმდინარე წლის მხოლოდ 6 თვეში თითქმის 2 მილიონ 320 ათასი ლარის ათვისება მოახერხა. მაშინ, როცა შარშან მთელი წლის მაჩვენებელი 858 ათას არ გასცდენია.

2018 წელთან შედარებით თითქმის ორმაგი იყო ხარჯები 2017 წელს, თუმცა წლევანდელი მაჩვენებელი მას მაინც მნიშვნელოვნად აჭარბებს.

ოპოზიცია კორუფციაზე ამახვილებს ყურადღებას.

„არახალია, რომ წლიდან წლამდე მთავრობის ფუფუნებაზე პირად კომფორტზე დახარჯული თანხები იზრდება. ეს ახალი სტატისტიკაც ამის დამადასტურებელია, რაც ბუნებრივია შემდგომ აისახება ჩვენი მოქალაქეების მდგომარეობაზე, ლარის კურსზე, დასაქმებაზე და ა.შ.“- განაცხადა ”ნაციონალური მოძრაობის” პოლიტიკური საბჭოს წევრმა ლევან ხაბეიშვილმა.

„ევროპული საქართველო"-ს ერთ-ერთი ლიდერი ხელისუფლებას კორუფციაში ადანაშაულებს.

„ეს არის მთელი ბუკეტი "ქართული ოცნების" მმართველობის, ეს არის კორუმპირებული მმართველობა, რომელიც უზრუნველყოფს ქვეყნის უკუსვლას,“-ამბობს კახიძე.

ეკა ბესელიას განცხადებით კი, გაზრდილი სამივლინებო ხარჯები ხშირ შემთხვევაში დაუსაბუთებელია.

„ციფრები აჩვენებს რომ არის ხშირ შემთხვევაში დაუსაბუთებლად ხარჯები მიმართული და ამ დროს სოციალური პრობლემები არის ასეთი მაღალი,“-ამბობს ბესელია.

რატომ გაიზარდა სამივლინებო ხარჯები ასე მკვეთრად - ამ კითხვაზე უმრავლესობას პასუხი არ აქვს. ირაკლი კობახიძე ამბობს, რომ არ იცის მართლაც გაზრდილია თუ არა ხარჯები.

„არ ვიცი გაზრდილია თუ არა, გავარკვევ რა ხარჯებზე საუბრობთ,“- თქვა კობახიძემ.