იურისტების თქმით, ვიდეოში კარგად ჩანს, რომ ბეჟან ლორთქიფანიძის რეაქცია მოჰყვა სპეცრაზმის მიერ მშვიდობიანი მოქალაქის კორდონში შეთრევას. ადვოკატის თქმით, ბეჟან ლორთქიფანიძე მის დახსნას ცდილობდა. ადვოკატის განცხადებით, შსს-მ საზოგადოება შეცდომაში შეიყვანა, როდესაც კონტექსტიდან ამოჭრილი კადრები გაავრცელა.
„შსს-მ მონტაჟი გააკეთა იმ კადრების, რომ ამოჭრა ბეჟან ლორთქიფანიძის ფარზე მირტყმა. იქ, დავუშვათ, ვიღაც სხვა პიროვნება რომელიც ხელკეტს იქნევს და ა.შ. მაგრამ საზოგადოებას შეუქმნა განცდა, რომ იქ ძალადობის მეტი და პარლამენტში შეჭრის მიზნით ძალადობდა ბეჟან ლორთქიფანიძე და ამიტომ ეჭირა ფარი და ამიტომ ურტყამდა ფარი ფარს. რეალურად საერთოდ სხვა რამე გვაქვს. ბეჟან ლორთქიფანიძის რეაქცია გამოიწვია მხოლოდ იმან, რომ არ მომხდარიყო იმ ადამიანების მოტაცება, არ მომხდარიყო იმ ადამიანების დაჩაგვრა, რომლებიც მშვიდობიანად აპროტესტებდნენ ამ აქციას,“ - განაცხადა გიორგი გელხაურმა.
მასალის გამოყენების პირობები






