"ქართული ოცნების" წევრი, ირაკლი კობახიძე "რუსთავი2"-ის იურისტის თამთა მურადაშვილის თანამდებობიდან გათავისუფლების ფაქტთან დაკავშირებით აცხადებს, რომ ტელევიზიის ხელმძღვანელის გადაწყვეტილებას არხის სარედაქციო პოლიტიკასთან და გამოხატვის თავისუფლებასთან საერთო არაფერი აქვს.

„ადმინისტრაციულ ნაწილში საკადრო ცვლილებები რამდენად შეიძლება ახდენდეს გავლენას გამოხატვის თავისუფლებაზე და სარედაქციო პოლიტიკაზე ეს არ ვიცი. ადმინისტრაციული პერსონალის გაშვება რა გავლენას შეიძლება ახდენდეს სარედაქციო პოლიტიკაზე ჩემთვის არის გაუგებარი. ის გამოხატვის სადარაჯოზე ხომ არ იდგა, ის იდგა ყარამანაშვილის და სააკაშვილის სადარაჯოზე. ამდენი ხანია არავინ არ შეხებია თვითონ სარედაქციო კოლექტივს და სარედაქციო პოლიტიკას. იურისტის გაშვება რა კავშირშია სარედაქციო პოლიტიკასთან არის აბსოლუტურად გაუგებარი" - აღნიშნა კობახიძემ.