კრიმინალური გარჩევა ორი მილიონი ლარის გამო და ყურმოჭრილი ბიზნესმენი

კრიმინალური გარჩევა ორი მილიონი ლარის გამო და ყურმოჭრილი ბიზნესმენი - საქმის ხმაურიანი დეტალები

პოლიტიკა - 15:17, 06 Aug, 2019

3541

კრიმინალური გარჩევა ორი მილიონი ლარის გამო და ყურმოჭრილი ბიზნესმენი. ხმაურიან საქმეს ახალი გაგრძელება აქვს. ირკვევა, რომ კომპანია „ნილს“ ვალები თბილისის მერიის მიერ ბაღების აღსაზრდელების კვებისთვის მცირე დაფინანსების გამოყოფის გამო დაუგროვდა.

ნილს, მხოლოდ ერთი კომპანია "გიგანის" ორი მილიონი ლარის ვალი ჰქონდა, სწორედ ამ კომპანიასთან კავშირში მყოფმა პირებმა მოუწყეს ჩასაფრება ბიზნესმენ გიორგობიანს და ყური მოაჭამეს. კომპანია „ნილში“ ამბობენ, რომ ისინი ხელისუფლებამ გააკოტრა და ვალები დაუგროვდა.

ირაკლი გიორგობიანი არის კომპანია „ნილის“ არაფორმალური მმართველი. „კურიერმა“ გაარკვია, რომ კომპანია ერთ თვეზე მეტია არ ფუნქციონირებს. თავად ირაკლი გიორგობიანი სატელეფონო ზარებს არ პასუხობს. მისმა მამამ კი განაცხადა, რომ კომპანია გაკოტრდა, რადგან თბილისი მერიამ საბავშვო ბაღების მომარაგებისთვის დიდი თანხა დააწესა.

„იმხელა ფასები იყო და ბაღები უნდა ემარაგებინათ, ის ფასი სანახევროდ არ ყოფნიდან იმ ბაღებს. სახელმწიფო დააწესებდა, აბა ფირმა ხომ არ დააწესებდა, არც იმ თავდამსხმელს ვიცნობ,“-ამბობს გიორგობიანის მამა.

შპს გიგანის 50% წილის მფლობელი, თეონა ნინოშვილი, რომლის ნათესავი გიორგობიანზე თავდასხმაშია ეჭვმიტანილი მომხდართან დაკავშირებით საუბრისგან თავს იკავებს.

წყარო: "რუსთავი 2"