ბიზნესმენისთვის მოჭრილი ყური - კალაძე ამბობს, რომ თავის მართლებას არ აპირებს, ოპონენტს კი "ჯამბაზს" უწოდებს

პოლიტიკა - 14:34, 06 Aug, 2019

947

ტენდერების საშუალებით კომპანიების გაკოტრება და ჯანდაცვის მინისტრის ყოფილი მოადგილის, ირაკლი გიორგობიანისთვის ყურის მოჭრა - დედაქალაქის მერი ამბობს, რომ თავის მართლებას არ აპირებს.

"ვიღაც კონკრეტული ჯამბაზი რაღაც სისულელეს იტყვის, მე გამოვიდე და თავი ვიმართლო, მგონი არასერიოზულია"- თქვა კახა კალაძემ ლევან ხაბეიშვილის ბრალდების საპასუხოდ.

კალაძეს გიორგობიანის კუთვნილი შპს ნილის შესახებაც ჰკითხეს, რაზეც მერმა თქვა, რომ თუკი კომპანია ვალდებულებებს ვერ ასრულებს, მერია მასთან ურთიერთობას წყვეტს.

„ჩვენთვის მთავარია, რომ ბავშვებს პრობლემა არ ჰქონდეთ საკვების თვალსაზრისით. ჩვენთვის მთავარია ის ვალდებულება, რაც აქვს ნაკისრი კომპანიას ხელშეკრულებით შეასრულოს. ეს მხოლოდ კვებას არ ეხება. იგივეა სამშენებლო მიმართულებითაც თუნდაც. როდესაც შევუდექით ჩვენს უფლებამოსილებას, იყო სხვა კომპანია, რომელიც ვერ ასრულებდა თავის ვალდებულებას და მოგვიწია იმის გაშვება. გამოვაცხადეთ ტენდერი, იყო კონკრეტული კომპანია გამარჯვებული, ემსახურებოდა ბაღებში კვების უზრუნველყოფას, შემდეგ შეექმნათ პრობლემები, ვერ უზრუნველყოფდნენ საკვების მოტანას და მოგვიწია მათი გაშვება“, - განაცხადა კახა კალაძემ.

ოპოზიციაში ამბობენ, რომ ჯანდაცვის მინისტრის ყოფილი მოადგილისთვის ყურის მოჭრა საბავშვო ბაღების საკითხს უკავშირდებოდა დადასტურდა.

ლევან ხაბეიშვილის თქმით, სწორედ კახი კალაძის მმართველობის პერიოდში ე.წ ”ქურდული გარჩევები ბიზნესში” გაიზარდა.