"ხელისუფლება ცდილობს, დააწესოს ქვეყანაში ცენზურა და შეუზღუდოს პოლიტიკურ პარტიებს გამოხატვის თავისუფლება"- თინა ბოკუჩავა

პოლიტიკა - 13:00, 06 Aug, 2019

835

"ქართული ოცნების" მიერ „საარჩევნო კოდექსში“ მომზადებული ცვლილებებით, პოლიტიკური პარტიის ანტირეკლამა სარეკლამო რგოლის 25 პროცენტს არ უნდა აღემატებოდეს. ფაქტს ოპოზიცია აპროტესტებს. "ნაციონალური მოძრაობის" ერთ-ერთი ლიდერი, თინათინ ბოკუჩავა ამბობს, რომ "ხელისუფლება პირდაპირ ცდილობს, დააწესოს ქვეყანაში ცენზურა და შეუზღუდოს პოლიტიკურ პარტიებს გამოხატვის თავისუფლება".

მისივე შეფასებით, ცვლილებათა პაკეტი ზღუდავს პოლიტიკურ პარტიებს და აღარ აძლევს იმის საშუალებას, რომ ანტირეკლამა გამოიყენონ პოლიტიკური ოპონენტების წინააღმდეგ.

„დღევანდელი ფორმულირებით ხელისუფლება პირდაპირ ცდილობს დააწესოს ქვეყანაში ცენზურა და შეუზღუდოს პოლიტიკურ პარტიებს გამოხატვის თავისუფლება. ასევე, ფაქტობრივად შეზღუდოს მაუწყებლები, რადგან შედის რეკლამის შინაარსში, მათ შორის ანტირეკლამის ნაწილში, სადაც ზღუდავს პოლიტიკურ პარტიებს და აღარ აძლევს იმის საშუალებას, რომ ანტირეკლამა გამოიყენონ პოლიტიკური ოპონენტების წინააღმდეგ. ეს არის პირდაპირ თავდასხმა თავისუფალ სიტყვაზე. ჩვენ ყველაფერს გავაკეთებთ, რომ ოპოზიციურმა პარტიებმა ერთობლივი ძალებით, ისევე როგორც არასამთავრობო ორგანიზაციების მონაწილეობით, ასეთი ფორმით არ მივიღოთ ცვლილებები, რათა სიტყვის თავისუფლება დაცული იყოს ჩვენს ქვეყანაში“, - განაცხადა თინა ბოკუჩავამ.