საქართველოს დისტრიბუტორთა ბიზნეს ასოციაციის თავმჯდომარე ივა ჭყონია კონკურენციის სააგენტოს მოკვლევას აფასებს.

მისი თქმით, აღნიშნული მოკვლევა მოსახლეობის თვალის ასახვევად არის, რომ ფასების გაზრდას არ დაუშვებენ.

„მე ვერ გეტყვით რა დაირღვა, დაიწყონ კვლევა, მე პირიქით მზად ვარ აქტიურად ჩავერთო მათთან ერთად. ერთადერთი ეს კონტექსტი არის, ის, რომ მოსახლეობა დააწყნარონ, რომ ფასები არ გაიზრდება და არ დავუშვებთ, რომ ფასები გაზარდონ კომპანიებმა. დამერწმუნეთ, ფასების გაზრდა კი არ გვიხარია, იძულებულები ვართ. ამით უნდათ ის პროცესები გადაფარონ, რაც დღევანდელ დღეს რეალურად ხდება და აჩვენონ, რომ ფასების ზრდას არ დაუშვებენ" - აღნიშნა ივა ჭყონიამ.