„ფრეგოს“ დამფუძნებლების დაკავების შემდეგ, სადგურებზე საწვავის გაყიდვა შეჩერებულია

„ფრეგოს“ დამფუძნებლების დაკავების შემდეგ, სადგურებზე საწვავის გაყიდვა შეჩერებულია - კომპანიის განცხადება

პოლიტიკა - 20:43, 03 Aug, 2019

1147

კომპანია „ფრეგოს“ ბენზინგასამართ სადგურებზე, რომლის დამფუძნებლები დააკავეს, საწვავის გაყიდვა შეჩერებულია:
"ობიექტური მიზეზების გამო შეფერხებულია საწვავის გაცემა ავტოგასამართ სადგურებზე და ვერ ხერხდება საწვავის მიწოდება/რეალიზაცია.

კომპანია „ფრეგო“ ბოდიშს გიხდით შექმნილი დისკომფორტისთვის და საკუთარი შესაძლებლობების მაქსიმუმს აკეთებს, რათა დროულად მოხდეს არსებულ სიტუაციაში გარკვევა და შეფერხების აღმოფხვრა. არსებულ მდგომარეობაში გარკვევისთანავე, „ფრეგო“ მზად არის გააგრძელოს ჩვეულ რეჟიმში მუშაობა.

ნებისმიერი ცვლილებსა და დამატებით ინფორმაციას კომპანია „ფრეგო“ უწყვეტ რეჟიმში მოგაწვდით ჩვენი ოფიციალური ვებ-გვერდისა და სოციალური ქსელის მეშვეობით.
დიდი მადლობა ნდობისა და თანაგომისთვის"- აღნიშნულია განცხადებაში.

„ფრეგოს“ დამფუძნებლები გიორგი თოფჩიშვილი და ვლადიმერ ყველაშვილი წინა კვირას დააკავეს.
ოპოზიციის ინფორმაციით, თოფჩიშვილი ბიძინა ივანიშვილის გარემოცვის სამიზნე მას შემდეგ გახდა, რაც "ფრეგომ" საწვავის ყველაზე იაფად გაყიდვა დაიწყო.
ხელისუფლების ოპონენტების თქმით, გიორგი თოფჩიშვილი უჩა მამაცაშვილის ბრძანებით დააკავეს.