ლარის კურსი იყო ზედმეტად ხელოვნურად გაუფასურებული"- თურნავა ეროვნული ვალუტის გაუფასურებას "გავრილოვის ღამის" საპროტესტო აქციებს უკავშირებს

პოლიტიკა - 17:56, 02 Aug, 2019

890

მას შემდეგ რაც, საქართველოს ეროვნულმა ბანკმა გუშინ, სავალუტო აუქციონზე 32 მილიონი აშშ დოლარი გაყიდა, რაც მიზნად ისახავდა ლარის კურსის გამყარების ხელშეწყობას, მთავრობის წევრები დღეს დარწმუნებით ამბობენ, რომ ლარის კურსი ხელოვნურად იყო გაუფასურებული. სწორედ ასეთი შეფასება გააკეთა ეკონომიკის მინისტრმა ნათია თურნავამ მთავრობის სხდომის დასრულების შემდეგ. მისი თქმით, ლარის გაუფასურება ნეგატიური გავლენებით, იყო გამოწვეული, რასაც "გავრილოვის სისხლიანი ღამის" შემდეგ დაწყებულ აქციებს უკავშირებს.

„ლარის კურსი იყო ზედმეტად ხელოვნურად გაუფასურებული. რადგან გამოქვეყნდა კიდევაც პირველი ექვსი თვის მაკროეკონომიკური პარამეტრები. ეკონომიკა იზრდება. საგადამხდელო ბალანსი უმჯობესდება. შესაბამისად, არანაირი ორგანული, სიღრმისეული მიზეზი არ არსებობს იმისა, რომ ლარი იყოს გრძელვადიან პერსპექტივაში გაუფასურებული. შესაბამისად, ლარის კურსის გამყარების ტენდენცია არის სრულიად ადეკვატურირეალურად. ლარის კურსის რყევები 20 ივნისის მოვლენებს, დესტაბილიზაციის მცდელობას და პარლამენტზე შტურმს მოჰყვა,“ - განაცხადა ნათია თურნავამ.