ჯანეზაშვილისა და დოლიძის თქმით, მათ საბჭოში მხოლოდ მიქაუტაძე ესალმებათ, - "კარგად გაზრდილი ვარ"

ჯანეზაშვილისა და დოლიძის თქმით, მათ საბჭოში მხოლოდ მიქაუტაძე ესალმებათ, - "კარგად გაზრდილი ვარ" - მიუგო მათ მიქაუტაძემ

პოლიტიკა - 12:21, 02 Aug, 2019

848

იუსტიციის უმაღლესი საბჭოს არამოსამართლე წევრის, ნაზი ჯანეზაშვილის თქმით, იუსტიციის საბჭოს მდივანი და უზენაესი სასამართლოს მოსამართლეობის კანდიდატი, გიორგი მიქაუტაძე ერთადერთის საბჭოს წევრებიდან, რომელიც მას ესალმება.

როგორც აღმოჩნდა, კოლეგებისგან გამარჯობის ეტიკეტის ნაკლებობა მხოლოდ ჯანეზაშვილს არ შეუნიშნავს, მის პოზიციას დაეთანხმა საბჭოს კიდევ ერთი არამოსამართლე წევრი ანა დოლძეც, მან თქვა, რომ საბჭოს წევრებს მიქაუტაძის გამოკლებით, მასთანაც ანალოგიური დამოკიდებულება აქვთ.

„დასაწყისისთვის უნდა აღვნიშნო, რომ ბატონი გიორგი არის ერთადერთი წევრი იუსტიციის უმაღლეს საბჭოში, რომელიც გამარჯობას მეუბნება“, – ასე დაიწყო უზენაესი სასამართლოს მოსამართლეობის კანდიდატ გიორგი მიქაუტაძესთან კითხვის დასმამდე ჯანეზაშვილმა მისი შეფასება.

ჯანეზაშვილის საპასუხოდ, მიქაუტაძემ აღნიშნა, რომ ის კარგი აღზრდილია და ვისაც იცნობს ყველას ესალმება.

„ყოველთვის ქალბატონო ნაზი, მე ვერ გამახსენებთ ვერც ერთ შემთხვევას, როდესაც უპატივცემულობა გამოვიჩინე თქვენს მიმართ და პრეტენზია მაქვს, რომ კარგად გაზრდილი ადამიანი ვარ და გამარჯობას ყველას ვეუბნები ვისაც ვიცნობ. თუმცა, არც ის მგონია, რომელიმე წევრი უარს გეუბნებოდეთ გამარჯობის თქმაზე ქალბატონი ნაზი“, – აღნიშნა გიორგი მიქაუტაძემ.