"ბიძინა ივანიშვილის დაკვეთაა, ველოდები დაკავებას"- ნიკა გავარმია

პოლიტიკა - 12:03, 02 Aug, 2019

1390

„რუსთავი2“-ის ყოფილი გენერალური დირექტორი ნიკა გვარამია დარწმუნებულია, რომ მის წინააღმდეგ სისხლის სამართლის საქმეების წარმოება ბიძინა ივანიშვილის დაკვეთაა.

თბილისის საქალაქო სასამართლოში მისულმა გვარამიამ არც მისი დაკავება გამორიცხა.

"მე ველოდები დაკავებას, ვნახოთ, დამაკავებენ თუ არა"- თქვა მან ჟურნალისტის შესაბამისი კითხვის საპასუხოდ.

მისივე შეფასებით, ივანიშვილი საქართველოში ოლიგარქიას და დიქტატურას ამყარებს და ეს საერთაშორისო ორგანიზაციის წევრებმაც კარგად იციან.

"არის ბიძინა ივანიშვილის დაკვეთა. საქართველოში არის ოლიგარქია ეს საკითხი გაცნობიერებულია არამხოლოდ ჩვენს მიერ, შთაბეჭდილება მრჩება ჩვენი უცხოელი პარტნიორებისა და მათი ადგილობრივი წარმომადგენლების მიერ. ეს ემსახურება იმას, რომ პირველი ვერ გავაკეთო ახალი ტელევიზია, მაგრამ მაინც გავაკეთებ, მეორე - გააკოტრონ "რუსთავი2", რასაც გააკეთებენ აუცილებლად და დამაბრალონ მე. დამაბრუნონ, გავისტუმრებ ხელფასებსაც და კიდევ ვაცოცხლებ ამ კომპანიას,"-განაცხადა გვარამიამ.

ნიკა გვარამიას თქმით, მისთვის არ იყო ცნობილი ინფორმაცია იმის შესახებ, რომ ნინო ნიჟარაძის მიერ პროკურატურაში მის წინააღმდეგ შეტანილ სარჩელს, "რუსთავი2"-ის ახალი გენერალური დირექტორის, პაატა სალიას სარჩელი ერთვის.

„ერთიც და მეორეც არც იურისტია არც მფლობელი ორივე არის ბიძინა ივანიშვილის ფეხის ფრჩხილები, ან ხელის, რა ვიცი... ნინო ნიჟარაძის ადვოკატი შევარდნაძის დროს ეწეოდა საადვოკატო პროსტიტუციას, სააკაშვილის დროს ეწეოდა საადვოკატო პროსტუტუციას, ახლა ეწევა საადვოკატო პროსტიტუციის, უთხრას ვინმემ, რომ პროსტიტუციის ასეთი ხშირი მოხმარების ადგილი არის სხვაგან“-ამბობს გვარამია.